Dan 2 | Ndebele | STEP | Ngomnyaka wesibili wokubusa kukaNebhukadinezari , uNebhukadinezari waphupha amaphupho; umoya wakhe wasukhathazeka , lobuthongo bakhe basuka kuye .

1 Ngomnyaka wesibili wokubusa kukaNebhukadinezari ^a, uNebhukadinezari waphupha amaphupho; umoya wakhe wasukhathazeka ^b, lobuthongo bakhe basuka kuye ^c. 2 Inkosi yasisithi kubizwe ^d izanuse ^e lezangoma ^f labavumisayo ^g lamaKhaladiya ^h, ukuze batshengise inkosi amaphupho ayo. Beza-ke, bema phambi kwenkosi ⁱ. 3 Inkosi yasisithi kubo: Ngiphuphe iphupho; umoya wami wasukhathazeka ^j ukulazi iphupho. 4 AmaKhaladiya asekhuluma enkosini ngesiAramu ^k: Nkosi, phila kuze kube nininini! Tshela inceku zakho iphupho, thina sizatshengisa ingcazelo ^l. 5 Inkosi yaphendula yathi kumaKhaladiya ^m: Into isisukile kimi; uba lingayikungazisa iphupho lengcazelo yalo, lizakwenziwa iziqa ⁿ, lezindlu zenu zenziwe inqumbi yomquba ^{o
,} ^p. 6 Kodwa uba litshengisa iphupho lengcazelo yalo ^q, lizakwemukela kimi izipho ^r lomvuzo lodumo olukhulu. Ngakho ngitshengisani iphupho lengcazelo yalo ^s. 7 Baphendula okwesibili bathi: Inkosi kayitshele inceku zayo iphupho, thina sizabonisa ingcazelo yalo. 8 Inkosi yaphendula yathi: Mina ngiyazi isibili ukuthi lithenga isikhathi ^t, ngoba liyabona ukuthi into isukile kimi ^u. 9 Kodwa uba lingangazisi iphupho, kulesimiso esisodwa ngani ^v; ngoba livumelene ukukhuluma ilizwi lamanga ^w elikhohlakeleyo phambi kwami ^x, kuze kuguquke isikhathi ^y. Ngakho ngitshelani iphupho ^z, besengisazi ukuthi lingangitshela ingcazelo yalo.

10 AmaKhaladiya aphendula phambi kwenkosi ^aa, athi: Kakulamuntu emhlabeni olakho ukutshengisa udaba lwenkosi; ngakho kayikho inkosi ^ab enkulu kumbe umbusi owake wabuza into enje kuloba yisiphi isanuse ^ac kumbe isangoma ^ad kumbe umKhaladiya ^ae. 11 Futhi kuyinto enzima inkosi eyibuzayo, njalo kakho omunye ongayibonisa phambi kwenkosi, ngaphandle ^af kwabonkulunkulu ^ag, okuhlala kwabo kakukho kwabasenyameni. 12 Ngenxa yalokhu inkosi yaba lolaka yathukuthela kakhulu ^ah, yalaya ukuthi kubhujiswe bonke abahlakaniphileyo beBhabhiloni ^ai. 13 Kwasekuphuma isimiso, ukuthi abahlakaniphileyo ^aj babulawe; basebedinga uDaniyeli labangane bakhe ukuthi babulawe ^ak.

14 Lapho uDaniyeli wabuyisela icebo lokuqonda kuAriyoki ^al induna yabalindi benkosi, owayephumele ukubulala abahlakaniphileyo beBhabhiloni ^am. 15 Waphendula wathi kuAriyoki induna yenkosi: Kungani isimiso singesesiphangiphangi esivela enkosini ^an? Lapho uAriyoki wamazisa uDaniyeli indaba. 16 UDaniyeli wasengena, wacela enkosini ukuthi imnike isikhathi sokuthi ayitshengise inkosi ingcazelo. 17 UDaniyeli wasesiya endlini yakhe, wabazisa oHananiya, uMishayeli, loAzariya, abangane bakhe ^ao, loludaba; 18 ukuze bacele izihawu ^ap kuNkulunkulu wezulu ^aq ngalimfihlakalo ^ar; ukuze bangabhubhi oDaniyeli labangane bakhe kanye labanye abahlakaniphileyo beBhabhiloni ^as.

19 Lapho imfihlakalo yembulelwa uDaniyeli ^at embonweni wobusuku ^au. UDaniyeli wasemdumisa ^av uNkulunkulu wamazulu ^aw. 20 UDaniyeli waphendula wathi: Kalidunyiswe ibizo likaNkulunkulu kusukela phakade kuze kube phakade ^ax, ngoba inhlakanipho lamandla kungokwakhe ^ay. 21 Ngoba uyaguqula ^az izikhathi lezikhathi ezimisiweyo ^ba, uyasusa amakhosi ^{bb
,} ^bc, amise amakhosi ^bd, upha inhlakanipho kwabahlakaniphileyo ^be, lolwazi kulabo abazi ukuqedisisa. 22 Uyembula okujulileyo lokufihlakeleyo ^bf, uyakwazi okusemnyameni ^bg, lokukhanya kuhlala kanye laye ^bh. 23 Ngiyakubonga ngikudumise ^bi, wena Nkulunkulu wabobaba ^bj, ongiphe inhlakanipho lamandla ^bk, ongazise khathesi lokho esikucelileyo kuwe ^bl, ngoba usazisile udaba lwenkosi.

24 Ngakho uDaniyeli wangena ^bm kuAriyoki ^bn, inkosi eyayimmisele ukuthi abhubhise ^bo abahlakaniphileyo beBhabhiloni ^bp; wahamba, wakhuluma kanje kuye: Ungabhubhisi abahlakaniphileyo beBhabhiloni; ngingenisa phambi kwenkosi, mina ngizayitshengisa inkosi ingcazelo. 25 Lapho uAriyoki wangenisa uDaniyeli phambi kwenkosi ngokuphangisa ^bq, watsho njalo kuyo: Ngithole indoda kwabathunjiweyo bakoJuda, ezakwazisa inkosi ingcazelo. 26 Inkosi yaphendula yathi kuDaniyeli, obizo lakhe lalinguBeliteshazari ^br: Ulakho yini ukungazisa iphupho engilibonileyo ^bs, lengcazelo yalo? 27 UDaniyeli waphendula phambi kwenkosi, wathi: Imfihlakalo inkosi eyibuzayo ^bt, abahlakaniphileyo ^bu, izangoma ^bv, izanuse ^bw, abalumbi ^bx bangeyibonise ^by inkosi. 28 Kodwa ukhona uNkulunkulu emazulwini ^bz owembula izimfihlakalo ^ca, uyitshengisile inkosi uNebhukadinezari okuzakwenzeka ekucineni kwezinsuku ^cb; iphupho lakho lemibono yekhanda lakho embhedeni wakho yilokhu ^cc: 29 Wena, nkosi, usembhedeni wakho kwavela imicabango yakho ngalokhu okuzakwenzeka emva kwalokhu; lalowo owembula izimfihlakalo ukwazisile wena lokho okuzakwenzeka ^cd. 30 Mayelana lami, limfihlakalo yembulwa kimi hatshi ngenxa yenhlakanipho ephakathi kwami ^ce okwedlula bonke abaphilayo, kodwa ukuthi kwaziswe ingcazelo enkosini, lokuthi wazi imicabango yenhliziyo yakho.

31 Wena nkosi, wabona, khangela-ke, isithombe esikhulu. Lesisithombe esikhulu, okukhazimula kwaso kwakusedlulisa, sema phambi kwakho; lesimo saso sasisesabeka ^cf. 32 Ikhanda lalesisithombe lalingelegolide elihle, isifuba saso lengalo zaso kwakungokwesiliva, isisu saso lamathangazi aso kwakungokwethusi ^cg, 33 imilenze yaso yayingeyensimbi, inyawo zaso ingxenye yayingeyensimbi lengxenye yayingeyebumba. 34 Wasubona kwaze kwasikwa ilitshe kungengezandla, elatshaya isithombe ezinyaweni zaso ezensimbi lebumba ^ch, lazichoboza ^ci. 35 Kwasekuchotshozwa ndawonye insimbi, ibumba, ithusi, isiliva, legolide, kwaba njengamakhoba amabala okubhulela ehlobo ^cj, lomoya wakususa, akwaze kwatholelwa ndawo ^ck. Njalo ilitshe elatshaya isithombe laba yintaba enkulu ^cl, lagcwalisa umhlaba wonke ^cm.

36 Yilo lelo iphupho; sesizakutsho ingcazelo yalo phambi kwenkosi. 37 Wena, nkosi, uyinkosi yamakhosi ^cn, ngoba uNkulunkulu wamazulu ^{co
,} ^cp ukunikile umbuso ^cq, amandla ^cr, lokuqina ^cs, lodumo ^ct. 38 Njalo loba kungaphi lapho abantwana babantu abahlezi khona, izinyamazana zeganga lezinyoni zamazulu uzinikele esandleni sakho ^cu, wakwenza waba ngumbusi phezu kwazo zonke. Wena uyilelikhanda legolide ^cv. 39 Langemva kwakho kuzavela omunye umbuso ^cw omncinyane kulowakho ^cx, lomunye owesithathu umbuso ^cy wethusi ^cz, ozabusa emhlabeni wonke. 40 Lombuso wesine uzaqina njengensimbi ^da; ngoba njengoba insimbi ^db ichoboza yehlisele phansi konke ^dc, njalo njengensimbi echoboza konke lokhu, ngokunjalo uzachoboza wephule ^dd. 41 Njalo njengoba wabona izinyawo lamazwane ^de, kuyingxenye yebumba lombumbi lengxenye yensimbi, umbuso uzadatshulwa phakathi. Kodwa kuzakuba kuwo okwamandla ensimbi ^df, njengoba wabona ^dg insimbi ihlanganiswe lebumba eliludaka ^dh. 42 Njengoba amazwane enyawo ayelengxenye yensimbi lengxenye yebumba; umbuso uzakuba lamandla nganxanye, wephuke lula nganxanye. 43 Njalo njengoba wabona insimbi ihlanganiswe lebumba eliludaka ^di, bazazihlanganisa lenzalo yabantu ^dj, kodwa kabayikunamathelana, njengoba insimbi ingahlanganiswa lebumba ^dk. 44 Langensuku zalamakhosi uNkulunkulu wamazulu ^dl uzamisa umbuso ^{dm
,} ^dn, ongayikuchithwa ^do kuze kube phakade; lombuso kawuyikutshiyelwa abanye abantu; uzachoboza ^dp uqede ^dq yonke limibuso ^dr, wona-ke uzakuma kuze kube phakade ^ds. 45 Ngenxa yokuthi ^dt wabona ^du ukuthi ilitshe liqetshulwa entabeni ^dv, kungengezandla, lokuthi lachoboza insimbi, ithusi, ibumba, isiliva, legolide; uNkulunkulu omkhulu ^dw uyazisile inkosi okuzakwenzeka emva kwalokhu; iphupho liqinisekile, lengcazelo yalo ithembekile.

46 Lapho inkosi uNebhukadinezari yathi mbo ngobuso bayo ^dx, yakhuleka kuDaniyeli ^{dy
,} ^dz, yathi kuthululelwe kuye umnikelo ^ea lezimpepha ^eb. 47 Inkosi yamphendula uDaniyeli, yathi: Kuliqiniso ukuthi uNkulunkulu wenu unguNkulunkulu wabonkulunkulu ^ec, leNkosi yamakhosi ^ed, lomambuli wezimfihlakalo ^ee, ngoba ubelakho ukwembula limfihlakalo. 48 Inkosi yasimenza uDaniyeli waba ngomkhulu, yamupha izipho ezinkulu ezinengi ^ef, yamenza waba ngumbusi phezu kwesabelo sonke seBhabhiloni ^eg, lenduna ^eh yababusi phezu kwabo ^ei bonke abahlakaniphileyo beBhabhiloni ^ej. 49 UDaniyeli wasecela enkosini, njalo yamisa ^ek oShadraki, uMeshaki loAbedinego ^el phezu komsebenzi wesabelo seBhabhiloni ^em; kodwa uDaniyeli waba sesangweni lenkosi ^{en
,} ^eo.